Eliteherrane rauk ut i semien

Førde-spelarane var tydeleg skuffa etter tapet på heimebane. F.v. Thomas Haug, Nils Numme, Geir Eithun, Ruben Inderøy og kaptein Tor Kristian Kvammen.

Laurdag 27.november spelte eliteherrane til Førde Volleyballklubb semifinale i cupen mot Nyborg. Herrane var klart skuffa etter tapet mot Begenslaget. Nyborg leiar eliteserien etter 8 kampar spelt. Førde har 6 kampar spelt.

Geir Eithun var den store spelaren gjennom heile kampen, og vart mest verdifulle spelar og enda opp med å slå inn 20 poeng. Eithun meinte etter kampen at denne kampen burde dei ha vunne. Også trenar Frank Kalstad tykte det var irriterande å vere så nære å sende serieleiaren ut av cupen.

Kampen gjekk i berg- og dalbane. Førde og Nyborg vann anna kvart sett, og det var Nyborg som trakk det lengste strået i siste settet. Førde hang etter allereie i byrjinga av settet, og Nyborg leia heile 1-6. Etterkvart vart Førde meir med i kampen om siger, men det var Nyborg som regjerte i heile siste settet.

Trenar Frank Kalstad var serleg skuffa over at laget ikkje klarte å presterte likt i alle setta. Men sjølv om dei gjekk på eit surt tap, ser Kalstad framover mot bronsefinale i cupen og dei neste kampane i eliteserien.

Settsiffera vart: 17-25, 25-20, 12-25, 25-19 og 11-15.

Foto: NRK SFJ/Rune Fossum

Gymnastikkarakter basert på ferdigheitar?

Ola er dårleg i matte. Han prøvar å løyse oppgåvene, men får dei ikkje til. Skal mattelæraren likevel gi han ein god karakter fordi han gjer ein innsats?

Kari deltar alltid i gymmen. Har dei styrketrening, prøvar ho seg på både armhevingar og mageøvingar sjølv om resultatet ikkje blir så bra. Skal dei jogge rundt Bekkjavatnet, prøvar ho å henge med heilt til kondisjonen seier stopp. Skal Kari likevel få ein god karakter fordi ho gjer ein innsats?

Fram til 2006 blei gym karakteren vurdert etter innsats, haldningar og ferdigheitar. Den nye læreplanen slår fast at elevane skal vurderast etter kompetanse, der innsats og haldningar til faget går på orden- og oppførselskarakteren.

1.August i år kom Utdanningsdirektoratet med ei presisering på endringa. Dette har fått fleire gymnastikklærarar til å auke bruken av testar og gi karakterar deretter. Utdanningsdirektoratet understrekar at læreplanen ikkje seier noko direkte om testar og krav til fysiske resultat, men at kroppsøvingsfaget bør vere kopla til læring. Det er opp til skulen og den enkelte lærar å grunngi kvifor ein vel å bruke testar, og konkretisere for elevane korleis test og kompetansemål heng saman.

Hensikta med fag som Matte, norsk, fysikk, engelsk osv. er først og fremst læring og tileigning av kunnskap og ferdigheitar av alminneleg nytteverdi, medan hensikta med kroppsøvingsfaget er i hovudsak folkehelsa. Det er bra for helsa å trene, og derfor er tileigning av gode vanar og ei positiv haldning viktig.

Er det då rett å vurdere gym karakteren etter ferdigheitar? Nokre er korte, andre er lange, og nokre har naturlege talent, medan andre må trene hardt for å oppnå same resultat. Når høgde forskjellen til elevane kan vere svært store, blir det urettferdig når ein skal teste ferdigheitar ut i frå kor høgt ein kan hoppe. Ei løysing på dette kan vere å basere karakterparametrane på prosentvis høgde av eleven si eiga høgd. Då hadde elevane opplevd dette som rettferdig og følelsen av å meistre hadde gitt ei positiv oppleving.

Likevel er det med gym som i alle andre fag, skal du få topp karakter så må du gjere lekse. Du blir ikkje god i lengde dersom du berre hoppar lengde i gymnastikktimen. Du blir ikkje god i ballspel dersom det berre er i gymnastikktimen du praktiserar det. Det same gjeld springing, kasting osv. Kanskje dagens ungar som ikkje driv med idrett på fritida må øve meir heime for å bli betre? Sluttar du å trene, minkar prestasjonsnivået mykje raskare enn om du over ein tilsvarande periode ikkje brukar det du har lært i teoretiske fag eller praktiske yrkesfag. Tilsvarande går gjentaking av trening av idrettsprestasjonsnivå mykje langsamare enn gjentaking av oppfriskning av teoretisk kunnskap.

Alt i alt er fysisk aktivitet på skulen viktig for å danne eit grunnlag for vidare idrettsglede basert på rettferdige vurderingar så langt det lar seg gjere.

Førde til 2. divisjon!

Førde spelarane klarte ikkje å halde tårene tilbake då dei var klare for 2. divisjonsspel neste sesong etter 2-1 sigeren over Birkebeineren 24. oktober, og dermed samanlagt 5-3 siger. Spelarane jubla av glede og feira heile kvelden saman med Førdepatriotane.

Førde vann første kvalifiseringskampen 3-2, og hadde eit godt utgangspunkt før returkampen. Etter berre 1 minutt av kampen på Førde Stadion sende Thor Jørgen Spurkeland Førde opp i leiinga, til stor jubel frå heimesupportarane. Deretter la Steinar Tenden på til 2-0 etter 26 minutt, og kampen var i realiteten avgjort. Likevel var det mange som fekk vonde minner frå andre kvalifiseringskampen i Drammen forrige sesong då David Sagedal reduserte til 2-1 for Birkebeineren, og Steinar Tenden gjekk ut med skade. Bortelaget kom også til eit par sjansar på slutten av kampen, men alt i alt var Førde det beste laget og vann fortjent.

Oppsettet for neste års 2. divisjon er klart, og Førde skal spele sine kampar mot:
Asker, Bærum, Fana, Frigg, Kjelsås, Manglerud Star, Nest Sotra, Notodden, Os, Stabæk 2, Stord, Vålerenga 2 og Åsane.

Vil kutte antal påbyggsklassar

Elevar i den vidaregåande skulen er provoserte over prioriteringane til fylkesdirektøren for opplæring.

Per dags dato er det ni studiespesialiserande påbyggsklassar rundt om i fylket, fordelt på skulane i Sogndal, Luster, Førde, Flora, Måløy og Eid. Dersom fylkesdirektøren får det som han vil på møtet i hovudutvalet på tirsdag, vil Flora og Måløy miste klassane sine, og Sogndal vil få berre ein klasse i staden for to.

Hildegunn Berge, nestleiar i ungdomspolitisk utval, meiner dette er ei håplaus prioritering. «Hafstad måtte opprette to klassar i år på grunn av stor pågang, prioriteringa burde heller vore omvendt,» seier ho i ei pressemelding.

Heller ikkje Elevorganisasjonen i Sogn og Fjordane er særleg fornøgd med forslaget. «Vi ønskjer ikkje at moglegheitene skal minske i fylket vårt,» uttalte leiaren, Martin Melander, i ei anna pressemelding.

For elevane som ikkje kjem inn i ein av dei seks klassane, kan konsekvensane bli store. Tidlegare denne veka uttalte fleire elevar til NRK Sogn og Fjordane at planane deira for vidaregåande opplæring blir øydelagde, og dei veit ikkje kva dei skal gjere. Mange blir nøydde til å flytte til Bergen, sjølv om dei eigentleg vil bli verande heime. Dette gir ikkje akkurat meirsmak for fylket, og ein blir usikker på om ein i det heile teke har lyst til å flytte heim att til Sogn og Fjordane, meinte ei av dei NRK hadde snakka med.

No vil ungdomspolitisk utval og elevorganisasjonen samarbeide om å overtyde partigruppene om at dette ikkje er nokon god idé. «Vi håpar inderleg at hovudutvalet for opplæring tar ungdommen sine meiningar på alvor,» seier Hildegunn Berge.

Klar til eksamen og tentamen?

25 % av landets studentar har alvorlege plagar med eksamensangst. Det anslo ein av Noregs fremste ekspertar på eksamensangst til Dagbladet for nokre år sidan. Her er nokre tips og råd om korleis å førebu seg til eksamen og tentamen.

Av: Cecilie Skarstein

Sjå over gamle eksamenar/tentamenar og prøvar, kva er det du har slitt med tidlegare og kva må du pugge litt ekstra på?

Spørr gjerne fjordårsstudentar og lærerar om gode tips og råd.

Lag ei leseliste. Mange får auka motivasjon og kjem i betre humør av å kunne stryke noko frå lisa.

Gjenfortell det du har lest til vener eller familie, då hugsar du det betre.

Lag notater og korte samendrag av deg du les. Då får du samla vesentlege stoffet og det er enklare og sjå over seinare.

Gå på pugge-date, avtal med ein klassekamerat å møtes og pugge til eksamen/tentamen i lag. Det gjer det heile mykje meir morosamt og de kan hjelpe kvarandre dersom det er ting de ikkje forstår. (NB: bør vere nokon du veit du kjem til å arbeide seriøst saman med!)

Belønn deg sjølv. Ikkje sitt dag ut og dag inn å pugg. Har du pugga og slitt lenge kan det vere godt å kunne ta seg ein pause. Kanskje gå ein tur, belønn deg sjølv men ein sjokolade eller gjer noko anna du har lyst til.

Start med lesinga i god tid! Ingenting er verre enn å stresse de siste dagane før eksamen/tentamen.

Bruk dagen før eksamen/tentamen til å slappe av. Ta det med ro og tenk på noko anna. Gjer noko du har lyst til. Kanskje les gjennom notat eller samendrag.

På eksamensdagen: stå opp i god tid så du ikkje må stresse for å komme tidsnok. Spis ein god frokost (viktig) og sjå over at du har med deg alt du treng. Sjå over oppgåva nøye. Les den fleire gongar så du er sikker på at du har forstått den rett.

Lykke til!

24-timars vasling før gjeldande prøver er kun god skikk

Grethe Øren, rektor ved Hafstad vidaregåande skule, avkrefta på fredag 23.10.09 at elevar på Hafstad har rett på varsling av gjeldande prøvar 24-timar i førevegen.

Av: Cecilie Skarstein

Det viser seg at ”regelen” om at elevar på Hafstad vidaregåande skule har rett på varsling 24-timar i førevegen er noko elevrådet har funne ut på eigenhand utan å involvere leiinga ved skulen. ”Men det er jo god skikk,” seier Øren i eit intervju. Ifølge Øren hadde dei ikkje høyrt noko om det før det leste om det i eit referat frå elevrådet. Ho seier vidare at det no er blitt eit aktuelt tema og kjem til å komme opp på neste styremøte mellom elevrådet og leiinga som finn stad 02.11.09.

I eit intervju sa eit medlem av elevrådet seg einig i at elvane har rett på varsling og at det var ein gjeldane regel ved skulen. Men trakk seinare, etter beskjed om uttalen til rektor, tilbake utsagnet og sa at det kom til å bli tatt opp på neste elevrådmøte.

Det at elevar på Hafstad vidaregåande skule har rett på å få varsling, enten munnleg eller gjennom fronter, 24-timar før ei prøve som gjelder for den endelege karakteren har våre ein uendeleg lang diskusjon mellom lærarar og elevar. I fjord fikk elevane beskjed frå den tilittsvalte i kvar enkelt klasse om at dei hadde rett på varsling 24-timar i førevegen. Det verka alikavell ikkje som om dette var nokon regel, grunna at eit fåtal av lærarane hadde høyrt om den. Dette har resultert i gjentekne diskusjonar mellom lærarar og elevar.